Флойд Мейвезердің блогер Логан Полмен жекпе-жегі коронавирусқа байланысты өтпейді

Бокс аңызы Флойд Мейвезер мен блогер Логан Пол арасындағы бокс өтпейді, деп хабарлайды Prosports.kz.

Жекпе-жек 20 ақпанға жоспарланған болатын, бірақ коронавирус пандемиясына байланысты оны кейінге қалдыру туралы шешім қабылданды.

43 жастағы Мейвезер (51-0, 27 КО) соңғы рет 2018 жылдың 31 желтоқсанында Жапонияда өткен RIZIN шоуында жергілікті кикбоксинг жұлдызы Теншин Насукаваға қарсы жұдырықтасты. Бірінші раундта Мейвезер жеңіске жетті. Жекпе-жек көрме сипатында өтті, сондықтан ол спортшылардың ресми рекордына жазылмады.