Қазақстан биатлон құрамасының өкілі коронавирус жұқтырды

<span>Германияның Оберхоф қаласында биатлоннан кезекті әлем кубогы кезеңі басталады. Аталған сынға қатысатын Қазақстан командасында коронавирус жұқтырғандар табылды. </span>

<span>Бұл туралы халықаралық биатлоншылар одағы хабарлайды.  </span>

<span>Тестілеу әлем кубогының бесінші кезеңінде өткізілген. Біздің командадан бөлек, Ресей, Чехия және Норвегия командаларында коронавирус жұқтырғандар тіркелді.  </span>

<span>«IBU жүйелі түрде жарыс қатысушыларын SARS-CoV-2 ПТР тестінен өткізеді. Оберхофтағы (Германия) әлем кубогінде де тестілеу жүргізіліп, 4 адамнан оң нәтиже табылды. </span>

<span>Зардап шеккендер қатарында Қазақстан, Норвегия, Ресей және Чехия Республикасының өкілдері бар. </span><span>Команда мүшелері тез арада жағдайдан хабардар болып, оқшауланды. </span>

<span>Оберхофтағы жергілікті денсаулық сақтау органдары SARS-CoV-2 ПТР тестінің оң нәтижесіне орай келесі шешімді қабылдады: </span>

<span> - Қазақстан командасының өкілі және онымен байланысқа түскен екі адам шұғыл оқшауланды. Спортшылар зардап шеккен жоқ», - делінген хабарламада.  </span>

<span>Olympic.kz ақпараты бойынша, Қазақстан командасының спортшылары SARS-CoV-2 ПТР тестін тапсырып, теріс нәтиже көрсеткен. </span>