Али Ахмедов Карлос Гонгорадан нокаутпен ұтылды

Голливудта (Флорида, АҚШ) қазақстандық Али Ахмедов (16-1, 12КО) мен эквадорлық Карлос Гонгора (19-0, 14КО) арасындағы жекпе-жек аяқталды, деп хабарлайды Prosports.kz.

Орта салмақтағы бос жатқан IBO титулы үшін күрес айтарлықтай тартысты өтті. Қазақстандық жекпе-жекті сенімді бастады және екінші раундта жекпе-жекті аяқтауға жақын болды. Бірақ эквадорлық тез есін жиып, кездесудің тағдырын өзгерте алды.

12-раундта Карлос екі рет Алиді нокаутқа жіберді. Өкінішке орай, қазақстандық кәсіби мансабындағы алғашқы жеңіліске ұшырады.