Елордада жүгіруден онлайн жарыс өтеді

<span>7-13 желтоқсан аралығында Нұр-Сұлтанда «Saryarqa Jugiru» онлайн-жарысы өтеді, деп хабарлайды ҚазАқпарат. </span>

<span>Спорттық іс-шараға тіркеу бүгін, 4 желтоқсанда басталды. Жарысқа www.jgr.kz веб-сайтында желтоқсанның 4-і мен 13-і аралығында онлайн тіркелуге болады. Жас ерекшелігіне байланысты шектеулер жоқ. </span>

<span>Елорда әкімдігінің қолдауымен өтетін спорттық шара ұйымдастырушылары – ҚР Жеңіл атлетика федерациясы, Нұр-Сұлтан жеңіл атлетика федерациясы.</span>

<span> Онлайн-жарыс бастамасы бұқаралық спортты дамытуға және пандемия кезінде азаматтардың салауатты өмір салтын сақтауға бағытталған. Және оған денсаулығы бойынша қарсы көрсетілімдері жоқ азаматтар ғана жіберіледі.</span>

<span> «Saryarqa Jugiru» қашықтығы – 5 шақырым. Іс-шараға қатысушылар оны 7-13 желтоқсан аралығында өте алады. 5 км маршрутты апта ішінде бірнеше рет кез келген ыңғайлы уақытта жүгіріп өтуге болады. </span>

<span>Жеңімпазды анықтау үшін спортшының ең жақсы ұпайы ескеріледі. Ең бастысы – тіркелу және қатысудың барлық шарттарын орындау.</span>

<span> Ол үшін Strava мобильді қосымшасында жүгіргеннен кейінгі көрсеткішті тіркеу керек. Әрі қарай, нәтижелер тексеру процедурасынан соң www.jgr.kz сайтында жарияланады. </span>

<span>Сонымен қатар қатысудың маңызды шарттарының бірі - Instagram парақшаңызда жарыс туралы хабарлама жариялау және #saryarkamarathonchallenge іс-шара хэштегін, Нұр-Сұлтан жеңіл атлетика федерациясының @nsathleticskz, «Jugiru» платформасының @jgr.kz және Сарыарқа ауданы әкімдігінің @saryarka.akimat профильдерін белгілеу.</span>

<span> Көктал-1 тұрғын алабының жаңа саябағында қашықтыққа жүгірген қатысушыларға арналған сыйлықтар: </span>

<span>1 орын - iPhone 12 </span>

<span>2 орын - 300 АҚШ доллары </span>

<span>3 орын - 200 АҚШ доллары </span>

<span>Қаланың басқа бөліктерінде жүгірген және Қазақстан Республикасының басқа қалалары мен облыстарында, сондай-ақ республикадан тыс жерлерде тұратын қатысушыларға арналған сыйлықтар: </span>

<span>1 орын - 150 АҚШ доллары </span>

<span>2 орын - 100 АҚШ доллары </span>

<span>3 орын - 75 АҚШ доллары </span>

<span>Барлық жеңімпаздар мен жүлдегерлер мерейтойлық медальдармен және сертификаттармен марапатталады. Егжей-тегжейлі ақпаратты jgr.kz ресми сайтынан алуға болады.</span>