Айдос Ербосынұлы IBF рейтингінде үздік ондықтан оры алды

Халықаралық бокс федерациясы (IBF) барлық салмақтағы боксшылардың рейтингін жаңартты, деп жазады Prosports.kz сайты.

Қазақстандық боксшылардың арасынан тек Айдос Ербосынұлының орны өзгерді. Ол екінші орта салмақта 8-ші орыннан 7-ші сатыға көтерілді.

Еске сала кетелік, 26 шілдеде Айдос Ербосынұлы Беларусь астанасы Минскіде өткен бокс кешінің басты жекпе-жегінде неміс боксшысы Нух Навальді (27-6, 15 КО) жеңіп, WBO Global белбеуінен бөлек, WBC Asian және WBA International белбеулерін де қорғап қалды.