Күрес түрлерінен Қазақстан чемпионатының өту тәртібі бекітілді

Күрестің үш түрінен Қазақстан чемпионаты бекітілді. Жарыс көрерменсіз өтеді, деп хабарлайды Prosports.kz Қазақстан күрес федерациясына сілтеме жасап.

Ұлттық команда Щучинскідегі оқу-жаттығу жиынын ойдағыдай өткізді. Алдағы ұлттық чемпионат қазақстандық балуандар үшін коронавирус пандемиясынан кейінгі алғашқы маңызды сынақ болмақ. Ол 19-26 қараша аралығында Алматыдағы «Достық» спорт кешенінде өтеді. Бәлкім турнир жеңімпаздары Сербиядағы әлем чемпионатына жолдама алуы мүмкін.
UWW өкілдері Белградта 12-20 желтоқсан аралығында күрестің үш түрі бойынша лицензиялық әлем чемпионатын өткізу туралы алдын ала шешім қабылдады

Айта кету керек, күрестің үш түрінен соңғы лицензиялық әлем чемпионаты өткен жылы Нұр-Сұлтанда өткен болатын.