Бек Нұрмағанбет мансабындағы екінші жекпе-жегінде жеңіске жетті

Атырауда Suleimen Promotions бокс кеші өтті, деп хабарлайды Prosports.kz.

Кештің басты шайқасында Бек Нұрмағанбет (2-0, 1 КО) Танзаниядан келген Абдалах Пазимен (27-8, 24 КО) кездесті. Жартылай ауыр салмақтағы (79 келі) жекпе-жек жоспарланған алты раундқа созылып, төрешілер шешімі бойынша Нұрмағанбеттің жеңісімен аяқталды.

Бұған дейін Данила Семенов, Абылайхан Жүсіпов және Бекзат Нұрдәулетов кәсіпқой рингтегі алғашқы жекпе-жектерін өткізіп, жеңіске жетті.

Естеріңізге сала кетейік, Suleimen Promotions серіктесі - UNDERDOG спорт агенттігі.