Тимофей Скатов Astana Open турнирінің алғашқы айналымынан аса алмады

Қазақстандық Тимофей Скатов Astana Open ATP 250 турнирінің алғашқы айналымынан аса алмады.

<span>Дүниежүзілік рейтингте 438-орында тұрған 19 жастағы Т.Скатов жарысқа арнайы шақыртумен қосылған еді. </span>

<span>Қарсыласы, әлемнің 98-ракеткасы, 21 жастағы финляндиялық Эмил Руусувуори елордадағы іріктеу сайысында жеңімпаз атанғандардың бірі болатын. </span>

<span>Бірінші партияда фин спортшысы 3:0 есебімен алға кетті. Т.Скатов бір брейк жасап, есепті қысқартқанымен, сол қарқынын жалғастыра алмады. Э.Руусувуори сетті тағы бір брейкпен бітірді – 6:2.</span>

<span>Екінші сетте фин теннисшісі қазақстандыққа бірде-бір гейм берген жоқ – 6:0. </span>

<span>Э.Руусувуоридің айқын басымдылығымен өткен бәсеке 1 сағатқа созылды. </span>

<span>Сондай-ақ Андрей Голубев пен Александр Недовесов жұптық сында турнирдің 2-ракеткасы болып тіркелген аустралиялықтар Макс Пёрселл мен Люк Сэвиллден 4:6, 4:6 есебімен жеңіліс тауып, алғашқы айналымнан аса алмады.</span>