Джошуа мен Пулев жекпе-жегі ресми түрде жарияланды

Matchroom Boxing промоутерлік компаниясының баспасөз қызметі WBA супер ауыр салмақтағы чемпионы, WBO, IBF, IBO британдық Энтони Джошуа мен болгар Кубрат Пулев арасындағы жекпе-жектің күні мен орнын жариялады, деп хабарлайды Prosports.kz.

Джошуа - Пулев жекпе-жегі Лондондағы O2 аренасында осы жылдың 12 желтоқсанында өтеді. IBF нұсқасы бойынша әлем чемпионы атағына міндетті үміткер Кубрат Пулев чемпиондық белбеуді екінші рет жеңіп алуға тырысады. Fлғашқы титулдық жекпе-жегінде 2014 жылы 15 қарашада бесінші раундта украиналық Владимир Кличкодан нокаутпен жеңілген болатын.

Джошуаға келер болсақ, Пулевпен болған жекпе-жектегі жеңісі оған WBC тұжырымы бойынша әлем чемпионы британдық Тайсон Фьюримен айқасқа жол ашады.