Жан Кособуцкидің кезекті жекпе-жегі өткізілмейді

Қазақстандық боксшы Жан Кособуцкий (14-0, 13 КО) 17 қазанда Германияда Дюссельдорфта өтетін жекпе-жегінің кейінге шегерілгені туралы хабарлады, деп хабарлайды Prosports.kz.

«Достар, бокс кеші техникалық себептерге байланысты кейінге қалды. Баршаңызға жақсылық тілеймін!», - деп жазды боксшы өзінің Instagram парақшасына. 

Кособуцкийдің қарсыласы америкалық Стив Вукос (12-1, 4 КО) болуы керек еді. Бәске  қазақстандыққа тиесілі IBO Inter-Continental чемпионы атағы, сондай-ақ бос тұрған WBA International белбеуі тігілген.

Еске сала кетелік, Жан Кособуцкий алдыңғы жекпе-жегін тамыз айында өткізген. Ол Камил Соколовскийді (10-19-2, 4 КО) 10-раундта нокаутқа жіберген.