Виктор Коточигов WBC титулынан айырылды

Дубайда өткен бокс кешінде қазақстандық былғары қолғап шебері Виктор Коточигов мансабындағы алғашқы жеңілісіне ұшырады, деп хабарлайды Prosports.kz сайты.

IV Rotunda Rumble турнирінің басты жекпе-жегінде Виктор Коточигов британиялық Макси Хьюзпен (21-5-2, 4 КО) қолғап түйістірді. Жекпе-жек жоспарланған 10 раунд өтті. Алайда үшінші раундта қазақстандық боксшы нокдаунға түсіп, одан кейін жекпе-жекте қарсыласынан басым бола алмады. Төрешілер жеңісті Макси Хьюзға берді.

Осылайша Виктор Коточигов мансабында алғаш рет жеңіліп, өткен жылы иемденген жеңіл салмақтағы WBC International белбеуінен айырылды.