Үстел теннисінен Қазақстан командасы жаттығу жиындарын аяқтады

Үстел теннисінен Қазақстан командасы Алматы облысында оқу-жаттығу жиындарын аяқтады. Жиынға жалпы есебі 30 спортшы қатысқан. 

Карантиннен кейінгі жаттығуға ұлттық құрама үздіктерінен Кирилл Герасименко мен Айдос Кенжеғұлов қана сырт қалды. 

«Ақбұлақтағы жаттығу жиында техникалық-тактикалық және арнайы физикалық дайындықты жетілдірдік. Жиынға келгенде спортшылардың дайындық деңгейі әртүрлі болған. 24 күнге созылған жаттығудан кейін барлығының шеберлігі артып, физикалық әлеуеті қалпына келді.

Оқу-жаттығу жиындарын жоғары деңгейде өткізуге көмектескен Ұлттық Олимпиадалық комитет пен үстел теннисі федерациясына алғысымды айтамын. Енді жарыс басталатын күнді асыға күтеміз», - дейді бас бапкер Эльмира Алиева.