Айдос Ербосынұлы Халықаралық бокс федерациясының ТОР 10 тізіміне кірді

Жеңілістің ащы дәмін татып көрмеген қазақстандық боксшы Айдос Ербосынұлы (14-0, 9КО) Халықаралық бокс федерациясының (IBF) ТОР 10 рейтингіне енді, деп хабарлайды Prosports.kz.

Айдос Ербосынұлы екінші орта салмақ дәрежесінде 9-орыннан бір сатыға көтерілді.

Еске сала кетелік, 26 шілдеде Айдос Ербосынұлы Беларусь астанасы Минскіде өткен бокс кешінің басты жекпе-жегінде неміс боксшысы Нух Навальді (27-6, 15 КО) жеңіп, WBO Global белбеуінен бөлек, WBC Asian және WBA International белбеулерін де қорғап қалды.