Қазақстандық теннисші Испаниядағы турнирдің жеңімпазы атанды

Қазақстандық Тимофей Скатов Испаниядағы Мелилье ITF турнирінің жеңімпазы атанды.

<span>Дүниежүзілік рейтингте 472-орында тұрған 19 жастағы қазақстандық теннисші аталмыш доданың екінші ракеткасы болып тіркеліп, барлығы бес кездесу өткізді.</span>

<span> Соның ішінде Т.Скатов жартылай финалда Нидерланды өкілі Макс Хаукесті 6:2, 6:1 есебімен тізе бүктірді. </span>

<span>Финалда рейтингте 724-сатыдағы даниялық Хольгер Рунемен бас жүлдені сарапқа салды.</span>

<span> Бірінші партияда даниялық спортшы басым түсті – 6:3. </span>

<span>Екінші сетте Т.Скатов қарсыласына бірде-бір гейм берген жоқ – 6:0. </span>

<span>Үшінші, шешуші партияда қазақстандық теннисші брейкпен алға кетті – 2:1. Тағы бір брейк – 4:1. Т.Скатов матчты тағы бір брейкпен түйіндеді – 6:1. </span>

<span>Тартысты өткен бәсеке 2 сағат 22 минутқа созылды.</span>