Дмитрий Попко Ролан Гаррос турнирінде ұтылып қалды

<span>Қазақстандық Дмитрий Попко Ролан Гарростың негізгі турниріне өте алмады.</span>

<span> Дүниежүзілік рейтингте 170-орында тұрған Д.Попко іріктеу сайыстарының финалында әлемнің 155-ракеткасы, эквадорлық Эмилио Гомеспен кездесті. </span>

<span>Қазақстандық теннисші бірінші партияда 4:2 есебімен алға шығып, оны тағы бір брейкпен түйіндеді – 6:2.</span>

<span> Екінші сетте керісінше эквадорлық спортшы ойын тізгінін қолға алды – 4:2. Ол сол басымдылығын сақтап қала алды – 6:4.</span>

<span> Үшінші, шешуші партияда есеп 5:5 болған мезетте Э.Гомес брейк жасап кетті – 6:5. Дегенмен Д.Попко да қалыспай, қайыра брейкке қол жеткізді – 6:6. Тай-брейкте эквадорлық теннисші жеңіске жетті – 7:6 (7:1).</span>