Нұрсұлтан Мамаев «Пан Америка Оупен» халықаралық турнирінде үздік атанды

<div style="text-align: justify;"> <strong>Қазақстандық таэквондошы Нұрсұлтан Мамаев АҚШ-тың Портленд қаласында өткен &laquo;Пан Америка Оупен&raquo;&nbsp;халықаралық турнирінде үздік нәтиже көрсетті,&nbsp;деп хабарлайды&nbsp;<a href="http://prosportkz.kz">&laquo;PROСПОРТ&raquo;.</a></strong></div> <div style="text-align: justify;"> &nbsp;</div> <div style="text-align: justify;"> 58 келе салмақта қарсылас шақ келтірмеген қандасымыз 1 орын алып, көрермен ықыласына бөленді. 68 келі салмақта өнер көрсеткен тағы бір жерлесіміз Арман Нукештаев қоланы қанжығасына байлап, 3 орынды қанағат тұтты. Алтынға бірден-бір үміткер Қайрат Сарымсақов 1/8 финалда АҚШ таеквондошысы Марк Лопеске жол беріп қойды. Өз кезегінде Лопес өз салмағында үздік атанғанын айта кетейік.</div> <div style="text-align: justify;"> &nbsp;</div> <div style="text-align: justify;"> Бүкіләлемдік таеквондо Федерациясы (WTF) мен Пан Америка таеквондо Одағының (PATU) ұйымдастыруымен өткен беделді турнирде жүздеген кәсіпқой таеквондошы сайысқа түскен.</div> <div style="text-align: justify;"> &nbsp;</div> <div style="text-align: justify;"> G-1 санатындағы бұл турнир WTF-тің ағымдағы жылы ұйымдастырған соңғы ресми жарысы болатын. Үш күн бойы үздік таеквондошылар ПУМСЕ және Кируги жекпе-жегінен көрсетілім кездесулерін көрермен назарына ұсынды.</div> <div style="text-align: justify;"> &nbsp;</div> <div style="text-align: justify;"> Портлендте өткен ірі додаға елімізден 7 спортшы аттанып, екеуі жақсы нәтиже көрсетті. Естеріңізге сала кетейік, бостандық еліне қандастарымызды ұлттық құраманың кеңесші бапкері Филипп Пинерд бастап барған болатын.</div> <div style="text-align: justify;"> &nbsp;</div> <div style="text-align: right;"> <em style="text-align: justify;">Қазақстан таэквандо федерациясының ресми сайтынан*</em></div>