Юлий Путинцева US Open турнирінен кейін WTA рейтингісінде жоғарылады

Әйелдер теннисі қауымдастығы (WTA) US Open 2020 турнирінен кейін спортшылар рейтингін жаңартты, деп хабарлайды<span> </span>Prosports.kz тілшісі. 

Қазақстандық теннисшілер ішінде ең жоғары орында тұрған - Елена Рыбакина. Ол 18-орында тұр. Теннисші АҚШ ашық чемпионатының екінші айналымынан ұшып кеткеннен кейін бір сатыға төмендеді. 

Ал Юлий Путинцева турнирдің ширек финалына шыққан, ол бес орынға жоғарылап, қазір 30-сатыда тұр. Топ-100 қатарындағы тағы бір отандасымыз Зарина Дияс үш сатыға төмендеді. Қазір ол 72-позицияда келеді. 

Әлемнің бірінші ракеткасы атағын аустралиялық Эшли Барти ұстап тұр. Румыниялық Симона Халеп екінші орында. Ал үшінші орынға Наоми Осака шықты, ол чех Каролина Плишкованы үздік үштіктен шығарып тастады.