Сегіз жыл бұрын Головкин АҚШ-тағы алғашқы титулдық жекпе-жегін өткізді. ВИДЕО

2012 жылдың 1 қыркүйегінде қазақстандық боксшы Геннадий Головкин (40-1-1, 35 КО) АҚШ-тың Верона (Нью-Йорк штаты) қаласында өткен бокс кешінде өнер көрсетті, деп хабарлайды Prosports.kz.

Ол орта салмақта WBA және IBO тұжырымдары бойынша әлем чемпиондық атағын бәске тікті. Оның қарсыласы поляк Гжегож Прокса болды (29-4, 21 КО). Жекпе-жекке дейін боксшылардың рекордтары келесідей еді: Головкин - 23-0, Прокса - 28-1. Жекпе-жекте Геннадий бесінші раундта техникалық нокаутпен жеңіске жетті.