Станислав Калицкий: Мықты болып оралуға уәде беремін

Қазақстандық кәсіпқой боксшы Станислав Калицкий мансабындағы алғашқы жеңілісінен кейін инстаграмда жазба қалдырды, деп хабарлайды Prosports.kz.

Естеріңізге сала кетейік, Екатеринбургте Станислав Калицкий сегізінші раундта ресейлік Дмитрий Хасеновтен техникалық нокаутпен жеңілген болатын. Қазақстандық бұған дейін он жекпе-жекте жеңіс тойын тойлаған еді. 

«Мен жеңілсем де, алға жылжуды жалғастырамын! Жанымнан табылып, қолдау көрсеткендеріңіз үшін рахмет. Бәріңіздің қолдау сөздеріңіз есімде. Мен мықты болып ораламын деп уәде беремін!», - деп жазды боксшы өзінің Instagram парақшасында.