МТК Kazakhstan ұйымдастыратын Алматыдағы бокс кешінің кестесіне өзгеріс енгізілді
Алматыда көптен күткен бокс кешінде бірқатар өзгерістер болады, деп хабарлайды Prosports.kz.
Өкінішке қарай, Өзбекстан боксшылары - Хусан Юлдашев, Бахром Паязов және Шавкат Халиловтың қатысуымен болатын жекпе-жектер өткізілмейді. Шекарадан өту кезінде туындаған қиындықтарға байланысты көршілеріміз Алматыға келе алмады.
Алайда негізгі жекпе-жектерге қауіп төніп тұрған жоқ. Еске сала кетейік, МТК Kazakhstan бокс кешінің басты жекпе-жегінде ауыр салмақтағы Қамшыбек Қоңқабаев пен Иса Ақбербаев кездеседі.
Жеңіл салмақтағы Виктор Коточигов (Қазақстан) мен Андрей Исаев (Беларусь) турнирдің негізгі жекпе-жегінде қолғап түйістіреді.
Алматыдағы MTK Kazakhstan бокс кеші UNDERDOG спорт агенттігінің қолдауымен ұйымдастырылды.
Іс-шара Нұр-Сұлтан уақытымен 20:00-де басталады