Уильямс карантиннен кейін алғаш рет жеңіліске ұшырады

Америкалық теннисші Серена Уильямс Лексингтондағы WTA турнирінің жартылай финалына шыға алмады, деп хабарлайды Prosports.kz.

Ол ширек финалда отандасы Шелби Роджерстен жеңілді. 2 сағат 9 минутқа созылған кездесу 6:1, 4:6, 6:7 (5:7) есебімен аяқталды.

38 жастағы теннисші үшін бұл карантиннен кейінгі алғашқы жеңіліс болды.

Келесі турда Шелби швейцариялық Хиль Белен Тейхманмен кездеседі.

Айта кетейік, Лексингтон турнирі 10-16 тамыз аралығында өтеді. Оның жүлде қоры - 202 000 доллар.