Шарипова әлем чемпионы атағы үшін жекпе-жек өткізеді

Шарипова әлем чемпионы атағы үшін жекпе-жек өткізеді

Қазақстандық боксшы Фируза Шарипова (10-1, 5 КО) келесі жекпе-жегін <span>15 тамыз күні Сочи қаласында</span> өткізеді, деп жазады<span> </span>Prosports.kz.

Бұл туралы Сочи қаласы бокс федерациясының президенті Илья Варов мәлімдеді. Отандасымыз бұл кездесуде <span>IBA тұжырымының чемпиондық титулын сарапқа салады. </span>

«29 шілде күні біз Халықаралық бокс қауымдастығынан (IBA) Фируза Шарипованың әлем чемпионы атағы үшін жекпе-жек өткізуіне рұқсат алдық. Оның қарсыласы танзаниялық боксшы -  Хэппи Дауди», - деді ол.

63,5 келі салмақ дәрежесінде өтетін бұл жекпе-жек екі минуттан тұратын он раундқа жоспарланған.

Жеңіске жеткен жағдайда Шарипова кәсіпқой бокста үш салмақ дәрежесінде әлем чемпионы болған алғашқы қазақстандық боксшы атанады. 

Айта кетейік, Фируза <span>26 шілдеде Минскідегі бокс кешінде өнер көрсетуі керек еді, алайда пандемияның салдарынан шекара жабық болғандықтан жекпе-жектен бас тартқан болатын.</span>

Ал оған дейін отандасымыздың <span>ресейлік София Очигава қарсы 19 шілдеге жоспарланған жекпе-жегі өтпей қалған. </span>Аталған жекпе-жек үш рет кейінге қалдырылды. Әу баста кездесу 19 маусымда өтеді деген ақпарат шықты. Кейін кездесу 19 маусымнан 4 шілдеге шегерілді. Араға аз уақыт салып, бокс кеші Бокс күні мерекесіне орай 4 шілдеден 19 шілдеге ауыстырылған болатын.

<h4>Шарипова - Очигава жекпе-жегі өтетін уақыт анықталды</h4> <h4>Шарипова - Очигава жекпе-жегі кейінге шегерілді</h4> <h4>Фируза Шарипова жаңа промоутерлермен төрт жекпе-жек өткізу туралы келісімшартқа отырды</h4>
Ошибка в тексте? Выделите и нажмите Ctrl+Enter
Комментарии
Для того, чтобы оставить комментарий, или