«Басын жұлып алғым келеді». Альварес Головкинмен қарсыластығы жайлы

Екі салмақ дәрежесіндегі әлем чемпионы Сауль «Канело» Альварес қазақстандық Геннадий Головкинмен қарсыластығы ерекше деңгейде екенін мойындады, деп жазады Prosports.kz.

Боксшылар рингте 2017 және 2018 жылдары кездесті - бірінші жекпе-жекте тең есеп тіркелді. Екінші шайқаста төрешілер Альвареске жеңісті берді. GGG және Альварес 2021 жылы үшінші рет жекпе-жекке шығады деп күтілуде.

- Головкинмен рингке шыққан кезде оның басын жұлып алғым келеді. Басқа қарсыластармен төбелескенде жекпе-жекке әдеттегі жұмысым ретінде қараймын, - деді Lospleyers.com сайтына берген сұхбатында мексикалық боксшы.