Мәнерлеп сырғанаудан жасөспірімдер арасындағы Гран-при сериясы өтпейді

<span>Халықаралық конькимен жүгірушілер одағы (ISU) мәнерлеп сырғанаудан жасөспірімдер арасындағы Гран-при сериясының биылғы маусымын өткізбеу туралы шешім қабылдады.  </span>

<span>Мұндай шешімге халықаралық одақ медициналық комиссия және турнирді ұйымдастыру жөніндегі жұмыс тобымен кеңескен соң келді.  </span>

<span>Гран-при сериясының өткізілмеуіне мемлекеттер арасындағы әуе қатынасының толықтай ашылмауы себепкер болып отыр. Сондай-ақ, Жапония бастаған бірқатар елдер спортшыларды жарысқа жіберуден бас тартуда.  </span>

<span>"Біз жасөспірімдер арасындағы мұндай ауқымды жарыстың өтпей қалғанына өкініш білдіреміз. Алайда, мұндай қадамға спортшылардың денсаулығын ойлағандықтан барып отырмыз", - делінген ISU ресми мәлімдемесінде. </span>