Хирн Сауль Альвареске жекпе-жекке төрт боксшы ұсынып отыр

The Athletic репортері Майк Коппинджердің сөзіне қарағанда, Matchroom Boxing басшысы, мексикалық супер жұлдыз Сауль Альварестің промоутері Эдди Хирн «Канелоға» 12 қыркүйекте өтетін жекпе-жегі үшін төрт қарсылас ұсынып отыр, деп хабарлайды Prosports.kz.

«Эдди Хирн» The Athletic  басылымына осы айдың басында Golden Boy-ға оның төрт боксшысы 12 қыркүйек күні «Канело» Альвареспен жекпе-жек өткізуге дайын екенін жазған. Олар: Каллум Смит, Джон Райдер, Дмитрий Бивол және Деметриус Андраде. Әзірге Хирн жауап алған жоқ», - деп жазды Коппинджер өзінің Twitter-дегі парақшасында.

Айта кетелік, Vringe.com хабарлағандай, GlaserBoxing.com инсайдерлері Сауль Альварес тарапы 12 қыркүйекте ол Райдермен жекпе-жекке шығуға шешім қабылдағанын айтқан.