Аустриялық теннисші Берлиндегі көрме турнирде жеңімпаз атанды

Аустриялық теннисші Доминик Тим Берлинде өткен bett1ACES көрме турнирінің жеңімпазы атанды, деп хабарлайды Prosports.kz.

Әлемнің үшінші ракеткасы финалдық кездесуде италиялық Маттео Берреттиниді 6:7 (4:7), 6:4, 10:8 есебімен жеңді. Кездесу бір жарым сағатқа созылды.

Үшінші орын үшін матчта Янник Синнер мен Роберто Баутиста-Агут кездесуі керек еді, бірақ жаңбыр себебінен ойын өткізілмеді.