Коронавирусқа байланысты Japan Open турнирі өтпейтін болды

Үстел теннисінен Халықаралық федерация (ITTF) ұйымдастыратын Japan Open турнирі коронавирус індетіне байланысты өтпейтін болды, деп хабарлайды Olympic.kz.

Алғашында 21-26 сәуірде өтеді деп күтілген турнир кейінге ауыстырылған болатын. Алайда, турнирдің биыл өтпейтіні анықталды.

Індетке байланысты Жапонияға кіріп-шығу әлі де қиындық туғызуда. Келесі жылы Олимпиада және Паралимпиада ойындарын қабылдайтын мемлекет биыл 129 ел мен аймақтың елге кіруіне тыйым салған.

Айта кетелік, Жапонияның ашық чемпонаты 1996 жылдан бері әлемдік турнир қатарында.