Попко жеңісті жолын жалғастыруда

АҚШ-та All Lower Level tournaments теннис турнирінің кезекті күні аяқталды. Қазақстандық теннисші Дмитрий Попко тағы бір ойында жеңіске жетті.

Дмитрий Попконың қарсыласы Чили спортшысы Алехандро Табило болды. Тартысты ойын үш сетке жалғасты. Попко алғашқы сетте қарсыласына есе жібергенімен, одан кейінгі екі айналымда жеңіске жетті. Нәтижесінде ойын 3:6, 7:6(2), 10:8 есебімен қазақстандықтың еншісіне шешілді.