Головкин мен «Канело» көрерменсіз төбелесуге түбегейлі қарсы

ESPN телеарнасының журналисті Давид Файтельсон Геннадий Головкин (40-1-1, 35 КО) мен Сауль Альварес (53-1-2, 36 КО) арасындағы үшінші жекпе-жектің айналасындағы жағдайға түсінік берді, деп хабарлайды Prosports.kz.

- Барлығы Головкин мен «Канелоның» үшінші жекпе-жегін көргісі келеді, бірақ олар көрерменсіз жұдырықтасқысы келмейді. Жекпе-жекті дәл қазір өткізбеу үшін бұл ыңғайлы және сенімді сылтау», - дейді Файтельсон.

Бұған дейін Golden Boy Promotions Альварес промоутері және Matchroom Boxing президенті және DAZN басшысы Эдди Хирн де билеттерді сатудан айтарлықтай кіріс жоғалтпау үшін трилогияны тек көрермендермен ұйымдастырғысы келетіндерін айтқан болатын.