«Фенербахче» Таразда туған футболшыны сатып алмақ

Стамбулдық «Фенербахче» Қазақстанның 17 жастағы тумасы, «Алтынорда» ойыншысы Равиль Тагирді сатып алу үшін ұсыныс жасамақ, деп хабарлайды Prosports.kz тілшісі.

«Құрамын жасартқысы келетін «Фенербахче» «Алтынорданың» 17 жастағы қорғаушысы Равиль Тагирге көз тікті. Жақын арада ұсыныс жасайды», - деп жазылған Fanatik.com.tr сайтында.

Айта кетейік, Равиль Тагир Таразда туып, бала кезінде Түркияға көшіп кеткен. «Алтынорда» клубының түлегі.

16 жастағы қорғаушы осы маусымда Түркияның бірінші лигасында 26 матч өткізген.