Биыл Түркияда өтуі тиіс «Көшпенділер ойындары» 2021 жылға шегерілді
Биыл қыркүйек айында Түркияда өтуі тиіс «Көшпенділер ойындары» 2021 жылға шегерілді.
«Әр екі жыл сайын өткізілетін «Көшпенділер ойыны» биыл Түркияда өткізілуі керек еді. Алайда әлемдік пандемиясына байланысты Түркиядағы ұйымдастырушыдан ресми хат келіп, бұл сайыстың келесі жылға қалатынын хабарлады», - деді ҚР Ұлттық спорт қауымдастығының баспасөз қызметінен.
Еске сала кетсек 2018 жылдың қыркүйегінде III Дүниежүзілік көшпенділер ойындары Қырғыз Республикасында өткен болатын. Дүниежүзілік көшпенділер ойындары - түркі әлемінің ортақ құндылықтарын әлемге паш етіп, көшпенділер мұрасын насихаттауда үлкен жоба болып келе жатқан спорттық шара.
Екі жыл бұрын Ыстық көл аймағы Шолпан-Ата қаласында өткен ойындарға қатысушылар 37 ұлттық спорт түрінен өзара бақ сынасқан болатын. Оған әлемнің 80 елінен үш мыңға жуық адам қатысқан.
