Триатлоннан Гамбургтағы әлем кубогы кезеңі өтпейтін болды
Германияның Гамбург қаласында өтуі тиіс тритлоннан әлемдік лига және аралас эстафеталық жарыс өтпейтін болды деп жазады Olympic.kz.
Аталған турнирлер 11-12 шілде аралығында өтуі тиіс болатын. Алайда, Германия билігі коронавирус індетіне байланысты 31 тамызға дейін ірі жарыстар ұйымдастыруға тыйым салды.
Сол себепті, бүкіләлемдік триатлон федерациясы турнирді басқа мерзіммен өткізуді жоспарлауда.
Айта кетелік, COVID-19 індетіне байланысты Бүкіләлемдік триатлон федерациясы 30 маусымға дейін қызметін тоқтатты.
