ITTF үстел теннисінен әлемдік турдың екі кезеңін кейінге шегерді

Халықаралық үстел теннисі федерациясы (ITTF) коронавирус індетіне байланысты әлемдік турдың екі кезеңін кейінге шегерді.

16-21 маусым аралығында Оңтүстік Кореяда, 23-28 маусымда Австралияда өтуі тиіс әлемдік тур ойындары өтпейтін болды.

Сондай-ақ, 28-31 мамыр күндері Катар астанасы Дохада өтуі тиіс әлемдік іріктеу турнирі 2021 жылға ауыстырылды.

Айта кетелік, бұған дейін Оңтүстік Кореяның Пусан қаласында өтуі тиіс командалық әлем чемпионаты 27 қыркүйек- 4 қазан аралығына ауыстырылды.