Майк Тайсон бұрынғы бапкерін жолбарыстың торына неге қамады

Ауыр салмақта бұрынғы абсолютті әлем чемпионы Майк Тайсон бірде бұрынғы жаттықтырушысы Джеффа Фенекті жолбарыстың торына қамаған көрінеді, деп жазады Prosports.kz.

Бұл туралы Фенек Foxsports сайтына берген сұхбатында айтты.

- Оның үйіне алғаш келгенімде, жолбарысы боллы. Майк мені ұстап алып, торға тастады, мені сол жерге қамап қойды. Өмірде көп ештеңеден қорықпаған адаммын, бірақ сол жолы тордан шыққаннан кейін іш киімімді ауыстыруға тура келді, - деп еске алды бапкер.

Айта кетейік, Тайсон ауыр салмақтағы абсолютті әлем чемпионы (1987—1990), WBC нұсқасы бойынша әлем чемпионы (1986—1990, 1996), WBA (1987—1990, 1996), IBF (1987—1990), The Ring (1988—1990) болған.