ITTF Токио Олимпиадасына жолдаманы рейтинг арқылы үлестіруі ықтимал
Халықаралық үстел теннисі федерациясы (ITTF) теннистен Гонконг пен Қытайда өтуі тиіс Әлемдік тур кезеңдерін белгісіз уақытқа шегерді.
Мамыр айында өтуі тиіс олимпиадаға іріктеу турнирлері коронавирусқа байланысты өтпей қалуы мүмкін. ITTF 29 наурыз күні атқарушы комитет мүшелерін жинап, олимпиада квотасын үлестіру туралы мәселені қарастырады. 28-31 мамырда Катарда өтеді деп жоспарланған финалдық кезеңнің өткізілуі де екіұдай пікір тудыруда. Егер іріктеу турнирлері өтпей қалса, спортшылар лицензиясы рейтинг арқылы беріледі.
