Таеквондошылар Бельгиядағы халықаралық сынға барудан бас тартты

Таеквондодан Қазақстан құрамасы Бельгияда өтетін рейтингілік "Belgian Open G-2" турниріне қатыспайтын болды. Оған себеп - коронавирус эпидемиясының таралуы.

Аталған додаға ел құрама сапынан 13 спортшы қатысады деп жоспарланған. Атап айтар болсақ, Елдос Ысқақ, Әлімжан Серікбаев, Эльдар Бірімбай, Қайрат Сарымсақов, Абдусамат Лес, Нұрқанат Қожахмет, Нұрлан Мырзабаев, Рахым Әділхан, Смайыл Дүйсебай, Руслан Жапаров, Денис Жансель, Самат Темірхандар қатысуы тиіс еді.

Бүгінде спортшылар елімізде жаттығу жиындарын өткізуде.