Нұр-Сұлтанда Дэвис кубогының іріктеу кезеңі өтеді

6-7 наурызда Нұр-Сұлтанда Қазақстан мен Нидерланд командалары арасында 2020 жылғы Дэвис кубогының іріктеу матчын өткізеді.

Қазақстан ерлер құрамасы осы беделді турнирдің ширек финалына бірнеше рет шығып, Чехия (2011), Австрия (2013), Бельгия (2014), Италия (2015) және Швейцария (2018) секілді командаларды жеңген.

Қазақстан құрамасы: Александр Бублик, Михаил Кукушкин, Андрей Голубев, Александр Недовесов, Дмитрий Попко.

Нидерланд құрамасы: Уэслей Кулхоф, Жан-Жульен Ройер, Робин Хаасе, Таллон Грикспур, Ботик ван де Зандшульп.