Виталий Худяков ашық суда жүзуден Катардағы әлем кубогында бақ сынайды

Катар астанасы Дохада ашық суда жүзуден әлемдік серия басталады деп хабарлайды Olympic.kz.

Қазақстан құрамасы сапынан аталған сынға екі спортшы қатысады.

Нақтылап айтар болсақ, Виталий Худяков пен Лев Черепанов ел намысын қорғайды. Олар 10 шақырымға жарысатын спортшылар қатарында. Турнир 16 ақпанға дейін созылады.

Айта кетелік, Виталий Худяков 2019 жылдың сәуірінде Кувейтте өткен Азия чемпионатында топ жарып, 2020 жылғы Токио Олимпиадасына қатысу мүмкіндігін жеңіп алған болатын.