Қазақстан командасы фристайл-могулдан Еуропа кубогында екі медаль еншіледі

Францияның Фан-Роме аймағында фристайл-могулдан Еуропа кубогі кезеңі аяқталды. Соңғы жарыс күнінде қазақстандық спортшылар екі медаль жеңіп алды деп хабарлайды Prosports.kz, Olympic.kz порталына сілтеме жасап. 

Еуропа кубогінде бірнеше рет көзге түскен Анастасия Городко командаға тағы бір алтын жүлде сыйлады. Ол осыдан бір күн бұрынғы бәсекеде де алтын жүлде иеленген еді. 

Екінші орында франциялық Фантин Дегрут, үшінші орында Нидерланд өкілі Жанеке Бергхуис. 

Тағы бір қазақстандық спортшы Олеся Граур жетінші орыннан көрінген. 

Ерлер арасындағы сында қазақстандық Антон Бондарев қола медаль жеңіп алды. Ол швециялық Расмус Стегфельдт пен ресейлік Михаил Алейниковке есе жіберген.