Айнитдинова Тунисте өтіп жатқан турнирдің финалына шықты

Қазақстандық теннисші Гозаль Айнитдинова Монастирде (Тунис) өтіп жатқан Magic Tours турнирінің ақтық сынында бақ сынайды, деп хабарлайды Prosports.kz.

Жартылай финалдағы отандасымыз финлияндиялық Оона Орпананы 6:0, 6:3 есебімен жеңді.

Айнитдинова енді финалда Белорусь спортшысы Юлия Готовкомен кездеседі. Айта кетерлігі, Готовко бірінші айналымда тағы бір қазақстандық теннисші Екатерина Дмитриченконы жеңген болатын.