Бақбергенова халықаралық турнирде қола жүлде жеңіп алды

Қазақстандық спортшы Мадина Бақбергенова Красноярск қаласында өтіп жатқан «Иван Ярыгин» халықаралық турнирінде қола медальға қол жеткізді.

Бақбергенова 59 келі салмақ дәрежесінде қола жүлде үшін белдесуде белорусиялық Анастасия Гучокты жеңді. Тағы бір үшінші орынды ресейлік Анастасия Яковлева жеңіп алды.
Моңғолиялық Шоовдор Баатаржав алтыннан алқа тағынса, ресейлік Хадижат Муртузалиева күмісті қанағат тұтты.