Головкин жаттығу лагеріне өзгеріс енгізді

<span>Орта салмақта IBF және IBO тұжырымдары бойынша әлем чемпионы Геннадий Головкин (40-1-1, 35 КО) он жылда алғаш рет жекпе-жекке тауда дайындалмайды. </span>

<span>Бұл туралы The Athletic инсайдері Майк Коппинджерге SNAC спорттық дайындық орталығының директоры Виктор Конте хабарлады.  </span>

<span>Контенің айтуынша, Головкин он күндік сынама лагерінен кейін Сан-Франциско (Калифорния штаты, АҚШ) шығанағы аумағындағы SNAC базасында толыққанды лагерь өткізуге шешім қабылдаған. Танымал америкалық маман боксшының физикалық дайындығына жауап береді.  </span>

<span>Конте Андре Уорд, Дэниэл Джейкобс, Деметриус Андраде, Андре Берто, Нонито Донэйр сынды боксшылармен жұмыс істеп танылған.  </span>

<span>2010 жылдан бері Головкин Big Bear-де (Калифорния штаты) жаттыққан еді. Бұл зал теңіз деңгейінен 2064 метр биікте орналасқан. Ал жаңа лагерь жазықта тұр.  </span>

<span>Головкин келесі жекпе-жегін 28 наурызда өткізуі мүмкін. Қазақстандық боксшы IBF титулының міндетті үміткері поляк Камил Шереметамен (21-0, 5 КО) жұдырықтасуы ықтимал.</span>