Қазақстандық жеңіл атлеттер Кипрде жаттығу жиынына қатысуда

Жеңіл атлетикадан Қазақстан командасының мүшелері Георгий Шейко мен Полина Репина шетелдегі оқу-жаттығу жиынына қатысуда.

Бүгінде спортшылар Кипрде жаттығу жиынын өткізуде. Айта кетелік, Георгий Шейко Азия чемпионатында Токио Олимпиадасының жолдамасын ұтып алған болатын.

Ал Полина Репинаның алдында Олимпиада ойындарына лицензия алу міндеті тұр.

Еске сала кетейік, ертең, 17 қаңтар күні Өскеменде жеңіл атлетикадан жабық ғимараттағы Қазақстан чемпионаты басталады.