Қайсар Алпысбай Чилидегі Премьер-лига турнирінде топ жарды
<span>Чилидің Сантьяго қаласында каратеден 2020 жылдағы алғашқы рейтингілік турнир - Премьер-лига бәсекесі аяқталды. Аталған сында қазақстандық спортшылар айтарлықтай сәтті өнер көрсетті деп жазады Olympic.kz.<span class="Apple-converted-space"> </span></span>
<span>60 келіге дейінгі салмақта Қазақстан атынан үш спортшы сынға түскен болатын. Турнир қорытындысы бойынша Қайсар Алпысбай финалда бақ сынап, әлем чемпионы, бразилилық Брозаны жеңді. Бұл Қайсардың Премьер-лига турниріндегі ең алғашқы жеңісі. Дархан Асаділов пен Еркінбек Байтөреев жарыстың қола жүлдесі үшін кездесуі тиіс еді. Алайда, Еркінбек Дарханға жол беріп, қола жүлде Асаділовке бұйырды.<span class="Apple-converted-space"> </span></span>
<span>67 келідегі Дидар Әмірәлі қола жүлде үшін өткен кездесуде венесуэлалық әлем чемпионы Мадераны ұтып, үздік үштікке енді. Осы салмақтақтағы тағы бір қола жүлдені қазақстандық Асылбек Мұратов иеленді.<span class="Apple-converted-space"> </span></span>
<span>84 келідегі Игорь Чехмарев пен +68 келіде сынға түскен Софья Берульцева құрама қоржынын қола жүлде салды. Ал үшінші орынға таласқан 75 келідегі Ермек Айназаров Марокко спортшысынан ұтылып, алғашқы бестікке енді.</span>