«Барселона» ойыншысына 2,4 миллион еуро қарыз

«Барселона» командасының ойыншысы Артуро Видаль клубтың атына шағым түсірді.

Чилилік футболшы клубтың оған 2,4 миллион еуро көлемінде сыйақысын төлемей отырғанын мәлімдеген. Келісімшарт бойынша Видаль маусымдағы барлық матчтың 60 пайызында алаңға шықса сыйақы алуы қажет болатын.

Алайда клуб өкілдері басқаша санайды. Олардың айтуынша, Видаль аталған матчтарда 45 минуттан артықо ойнауы қажет. Ал чилилік футболшы көбінесе матчтардың соңында шығып жүрген.