Ақтөбеде халықаралық турнир өтеді

Қазақстанда тұңғыш рет теннис бойынша Еуропа сериясынан жасөспірімдер арасында халықаралық турнирлер өтеді, деп хабарлайды Prosports.kz.

Жарыс 18 қарашадан 21 желтоқсанға дейін Ақтөбеде өтеді. Барлығы 3 турнир өтеді: 14 жасқа дейінгі балалар үшін (18-23 қараша аралығында); 16 жасқа дейінгі балалар үшін (2 желтоқсаннан 7 желтоқсанға дейін); 12 жасқа дейінгі балаларға (16-21 желтоқсан аралығында).

Қазақстан атынан: Эрнест Балаганский (Алматы), Борис Черкасов (Нұр-Сұлтан), Шыңғыс Байсейіт (Шымкент), Данир Қалдыбеков (Тараз), Әсем Сазанова (Нұр-Сұлтан), Адеми Аманкелді (Шымкент) және Зара Даркен (Ақтөбе).