Регби-7: Қазақстан лицензиялық турнирде үшінші орынға таласады

Регбиден Қазақстан құрамасы құрлықтық лицензиялық турнирдің қола жүлдесі үшін сынға түседі.

Гуанджоуда өтіп жатқан лицензиялық жарысты Қазақстан әйелдер құрамасы жеңіспен бастаған болатын. Олар бірінші кездесуде Филиппин командасын 34:5 есебімен, ал екінші ойында 17:12 есебімен Тайланд құрамасын ұтты. Одан кейін ширек финалда Сингапур қыздарын 46:0 есебімен жеңіп, жартылай финалға жолдама алды. Алайда, жартылай финалда Қазақстан құрамасы Гонконг командасынан 19:7 есебімен ұтылып, жарыстың қола жүлдесі үшін ойынауға мүмкіндік алды.

Енді ел құрамасы Тайланд командасымен жарыстың жүлделі үшінші орын үшін кездесетін болады.