Спорттық құзға өрмелеу: Тамара Улжабаева Азия чемпионатының финалына өтті

Бұл күндері Индонезияның Богор қаласында спорттық құзға өрмелеуден Азия чемпионаты өтіп жатыр.

Қазақстан командасының мүшесі Тамара Улжабаева "боулдеринг" бағдарламасы бойынша финалға жолдама алды.

Турнир жеңімпаздары мен жүлдегерлері бүгін анықталады.

Сондай-ақ, "жылдамдық" бойынша Қазақстан ерлер командасының үш мүшесі финалға шыққанын кеше хабарлаған болатынбыз.