Арман Рысбек әлемдік рейтингіде көтерілді

Қарсыласын бірінші раундта сұлатқан қазақ боксшы Арман Рысбек әлемдік рейтингте шарықтай көтерілді.

Екінші орта салмақта өнер көрсететін қазақ боксшы Арман Рысбек (7-0, 6 КО) өз дивизионында бірден 325 саты жоғарлады. Өткен демалыс Алматыда өткен бокс кешінде Арман өзбекстандық Мухитдин Раджапбаевпен (10-7-1, 7 КО) жұдырықтасты. Жекпе-жек он раундқа есептелген еді, алайда, қазақ боксшы қарсыласын бірінші раундта нокаутқа түсірді.  Осылайша, Арман Рысбек BoxRec рейтингінде 201-ші орынға жайғасты.

Еске салайық, Алматыда өткен бокс кешінің басты жекпе-жегінде қазақстандық Қанат Ислам (26-0, 21 KO) WBO International белбеуі үшін намибиялық Уолтер Каутондоквамен (18-1, 17 КО) жұдырықтасқан еді.