Қазақ күресінің атауы өзгермек

<p> <strong>Бүгін Астанада өткен баспасөз мәслихатында қазақ күресінің атауын өзгерту керектігі сөз етілді, деп хабарлайды 24.kz сайты.</strong></p> <p style="text-align: justify;"> &laquo;Зерттеу бойынша қарасақ, Петропавл қаласында 1928 жылға дейінгі құжаттардың ішінде &laquo;қазақ күресі&raquo; деген атау жоқ екендігін айтқым келеді. &laquo;Қазақ күресі&raquo; деген атау кезінде &laquo;қазақша күрес&raquo; болатын. Ал 2000 жылдан бастап құжаттар &laquo;қазақ күресі&raquo; деп дайындалып келе жатыр. Атап айтқанда, 1928 жылға дейінгі құжаттарда біздің еліміздің ішінде &laquo;күрес&raquo;, &laquo;балуандық күрес&raquo;, &laquo;жекпе-жекке шығу&raquo;, &laquo;күш сынасу&raquo; деген атаулар кезігеді. Бұны айтып отырған себебім, енді біз әлемдік деңгейге шықтық. Әлемдік деңгейде дзюдо күрес түрі бар және жекпе-жектердің арасында таэквондо, сондай-ақ басқа да додалар бар. Бұлардың барлығы бір елдің спорт өнері болса да, бірақ сол елдің атымен аталмайды. Мысалы жапонның дзюдо күресі демейді, қысқа ғана &laquo;дзюдо&raquo; деп аталады&raquo;,&nbsp;-&nbsp;деді қазақтың балуандық өнерін зерттеуші Елемес Әлімханов.</p> <p style="text-align: justify;"> Оның сөзіне қарағанда, әлемдегі кейбір түсініктер мен танымдар аясында қазақ күресінің ғана дамуына (Олипиада ойындарына енгізу барысында) кейбір шетелдік кедергілер бар.<br /> &nbsp;</p>